Green Star di na bibiyahe ng Lawton, langya ka Lim

Nakakainis. Dahil sa panukala ni Lim, ipinagbawal na ang mga provincial buses sa pagbiyahe sa Maynila.

Papunta kaming Kalaw kanina para magpatingin ng mata (Haha. Bad pun not intended.) pero nagulat ako, Buendia LRT pa lang, pinapababa na kami ng kundoktor. Nagsisimula pa nga lang akong mahimbing sa upuan ko, yung tulog na parang tutulo ang laway mo at mapapanaginipan mo yung crush mo na tumatakbo kayo sa damuhan, hawak kamay at tuwang tuwa, pero wala. Naudlot ang tulog kong masarap at ang posibilidad nang panaginip na imposible namang mangyari sa totoong buhay. Wala.

Badtrip. Napilitan tuloy kaming sumakay ng jeep papuntang Kalaw avenue galling ng Buendia at isa lang ang masasabi ko: sobrang init. At dahil pa sa matinding trapik, nasa PGH palang kami ay nilakad na lang naming papuntang eye referral center. Malapit na nga ito sa Roxas boulevard kaya ang haba ng nilakad naming at… ugh. Sobrang init talaga. Naisip ko nga na ayoko na dito sa Pinas tuwing summer, sa sobrang init nagkakaron ka ng mga hallucinations ng pagkain (kapag gutom ka), alak (kapag hayok ka), namumula ang paningin mo (kulay dugo, kung emo ka) at sa kaso ko, magkaron ng kasama (kasi magisa ako sa buhay). Kaya hindi na ko nagtataka kung bakit karamihan sa mga relihiyon ngayon ay naitatag o naconceptualize sa disyerto. Oo. Kristiyanismo, hinduismo atbp.

Pero pauwi kanina, me narealize ako. Kung bawal na ang mga provincial buses sa Maynila, ibig sabihin nito wala nang mga Green Star (bus ito na biyaheng Pacita – Lawton) sa Park n’ Ride. Therefore, mapipilitan nga akong sumakay sa Buendia terminal ng Pacita Liner.

Going further, makikita natin na malapit ang terminal na ito sa CSB at Lasalle. At kanina, nung sumakay ako ng bus sa nasabing terminal, me mga nakita akong mga tiga FEU. Wow. Panibagong hunting grounds. As in madami, oo madaming chikas. Napakadami.

Parang di na ako makapaghintay na magpasukan na ulit. At sumakay ng sumakay sa Pacita Liner. haha.