On the Bambi issue

About dun sa mga reply ko sa nag comment sa aking last entry, yung murderers manning the government, I will state that hindi ako nag recant ng aking statement. Kung ano nakasulat dun ay hindi ko babawiin dahil ang nakaraan na ay hindi na maibabalik at isang beses lang tayo makagagawa ng isang bagay, at dahil dito nagkakaroon ito ng bigat at kahulugan.

Pero habang ako'y naghuhugas ng pinggan kaninang hapunan, ako'y napaisip, dahil nagbanggit si moon-something ng isang artikulo sa isang sikat na broadsheet at akin namang binasa ito. Sabi ng artikulong ito ay wala daw kasalanan si Pangandaman Jr at Sr dahil ang mga De La Paz daw ang nagsimula ng gulo. Ngunit sa parehong pahayagan ay may lumabas na din na istorya na nagsasabi ng istorya ayon sa mga mata ng mga De La Paz at iyon ang aking nilahad sa aking huling post sa aking mumunting blog. Nagkakaroon ngayon ng konting pagaalinlangan ang mga tao (pero ako ang pinaniniwalaan ko ay ang istorya ni Bambi De La Paz) kung ano ang totoong nangyari.

Sige, ipagpalagay na natin na ang mga De La Paz ang nagsimula ng umanong gulo. Pero tama ba na bugbugin ng tatlong bodyguard at ni Pangandaman Jr ang tatay niya at ang kanyang katorse-anyos na kapatid na walang kalaban laban? Tama ba na gawin nila ito ng isa pang beses noong irereklamo sila ni Bambi sa mga kinauukulan ng golf course? At nasa tama ba ang mga Pangandaman noong magdala sila ng baril sa loob nung golf course kahit na ipinagbabawal ito ng management?

Patawarin niyo ako sa napakabilis at napakatangang konklusyon ng napakaliit kong utak pero sa tingin ko kahit saan mo tingnan ay mali parin ang mga Pangandaman.